O Sol, ente de culto que segue a perdurar dende os nosos ancestros ata a actualidade. Unha fonte de enerxía que nos alimenta física e psicoloxicamente. Dos solsticios aos equinoccios, a estrela percorre os ceos alongando ou acurtando a duración do día e a noite, tempos variables que a posición do Sol debuxa no horizonte, referente única da nosa paisaxe.
O obxectivo principal de Solpor é a posta en valor do Sol, ente de culto para os nosos antepasados, que perdura desde a noite dos tempos, coma recurso turístico e patrimonial de primeira orde.
Solpor recupera e actualiza todo o coñecemento milenario asociado ao Sol, astro rei do que proceden os planetas e a propia vida na Terra. Un achegamento dende múltiples disciplinas (física, antropoloxía, arte, bioloxía, xeografía,…) a ese ente de culto para os nosos antepasados que perdura desde os nosos devanceiros ata a actualidade.